[Titulum secundum cod. A] XXII [sic!]. Vt certe festiuitatis in publicam ecclesiam non in oraturiis teneantur.
[Titulum secundum cod. R] XXI. Si qui clerici uel laici diebus festiuitatis extra sacerdotes permissio in oratoriis missas tenere praesumpserint.
[Titulum secundum coll. Hispanam] XXI. Vt solemnitates maiores in ciuitatibus celebrentur.
Si quis etiam extra parrocias, in quibus legitimus est ordinariusque conuentus, oratorium in agro habere uoluerit, reliquis festiuitatibus ut ibi missas teneant propter fatigationem familiae iusta ordinatione permittimus; Pascha uero, Natale Domini, Epiphaniam, Ascensionem Domini, Pentecosten et Natale sancti Ioannis Baptistae, uel si qui maximi dies in festiuitatibus habentur, nonnisi in ciuitatibus aut in parrociis teneant. Clerici uero, si qui in his festiuitatibus quos supra diximus, in oratoriis nisi iubente aut permitiente episcopo missas facere aut tenere uoluerint, a communione pellantur.
(ed. Munier 1963: 202-203, 221, 222, 224)