Canon 10
Ut omnis episcopus infra hanc provinciam constitutis archipresbyterum, archidiaconum et primiclerium in sua ecclesia habeat.
Communi deliberatione sanccimus, ut omnes nos episcopi infra nostram provinciam constituti in cathedralibus nostris ecclesiis singuli nostrum archipresbyterum, archidiaconum et primiclerium habere debeamus; sanctus quippe est ordo et a nobis per omnia observandus. Ideoque placuit huic magna[e] synodo, ut quicumque ad officium hoc pervenerit humilitatem pontifici suo et reverentiam praebeat, ne quolibet modo superbiae fastum quilibet ex his incurrat, sed in ordine quo quisque fuerit constitutis benigne persistat, et sui dignitatem officii per omnia teneat. Si quis ex his sui gradus ordinem non custodierit et quae illi pro tali officio a suo episcopo imperata fuerint adimplere distulerit, prout causa patuerit, excommunicationis damno multandum se noverit.
(ed. Vives 1963: 332)