Canon 2
Id etiam placuit sacerdotibus, ut quisquis antistes infra suam parrochiam Dei aulam inquirat, et munificus ille, qui sanctam Dei aedificaverit ecclesiam, quod ibidem pro suum herede largitus est, eodem loco presbyter secundum priorum canonum instituta deserviens, habeat. Et si presbyterum ea facultas habere non permittit, vel diaconus instituatur. Certe, si minus est census, ostiarius a sacerdote sit electus, qui nitorem infra sinus ecclesiae faciat; qui et sanctarum reliquiarum luminaria omni subsequenti nocte accendat.
(ed. Vives 1963: 156-157)