Canon 1
Priorum patrum sequentes monita, id praecipiunt Dei sacerdotes, ut quae sanctae Trinitati conveniunt operibus fidei catholicae in omnibus coniungantur: ita ut sanctam at amicam Dei obsecrantes castitatem, non solum retinendam pontifices suo corpori censeant, sed et presbyteris et diaconibus ministrantibus Dei altaribus modis omnibus observandam constituant: ut ex his, qui castitatis volureit patientiam violare, tali sorte coerceatur, ut ultimus, a quo est gradu deiectus, Deo amplius non ministret, sed sacerdotis sui electione sit tali claustro conseptus, ut ceteros suo exemplo corrigat et ille ea poenitentia revivescat.
(ed. Vives 1963: 156)
