[Capitulum secundum codd. A et R] III. De crismante ante diem paschalem petendam.
[Capitulum secundum coll. Hispanam] III. Vt ab alterius episcopo chrisma nullus accipiat.
Per singula territoria presbyteri uel ministri ab episcopis, non prout libitum fuerit, a uicinioribus, sed a suis propriis per annos singulos chrisma petant, adpropinquante solemnitate paschali, nec per quemcumque ecclesiasticum, sed si qua necessitas aut ministrorum occupatio est, per subdiaconum: quia inhonorum est inferioribus summa committi, optimum autem est ut ipse suscipiat qui in tradendo usurus est; si quid obstat, saltem is cuius officii est sacrarium disponere et sacramenta suscipere.
(ed. Munier 1963: 97, 103)