Canon 3
Hunc etiam innovandum custodiendumve in omnibus sancta statuit synodus, ut secundum priscorum canonum constituta vel synodalium epistolas praes[u]lun praemonentes, nulli deinceps laicorum liceat ad ecclesiasticos ordines praetermissas canonum prefixa tempora aut per sacra regalia aut per consensionem cleri vel plebis vel per electionem asse[n]sionemque pontificum ad summum sacerdotium adspirare vel provehi, set cum per canonum conscripta tempora ecclesiasticos per ordinem spirituali opere desudando, probatae vitae adminiculo comitante conscenderit grados, ad summum sacerdotium, si dignitati vita responderit, au[c]tore domino provehatur: ita tamen aut duobus aut tribus quos consensus cleri et plebis selegerit a iudicio eiusque quoepiscopis praesentatis, quem sors praeeunte episcoporum ieiunio, Christo domino terminante monstraverit, benedictio consecrationis adcumulet; aliter deinceps, quod absit praesumptum, et ordinatores et ordinato[s] proprii honoris deposito subsequatur.
(ed. Vives 1963: 159-160)