Canon 10
De incestis coniunctionibus. Si quis infra prescriptum canone gradum incestuoso ordine cum his personis, quibus a diuinis regulis prohibitum est, coniunx est, usquequo paenitentiam sequestratione testentur, utrique communione priuentur et neque in palatio habere militiam neque in forum agendarum causarum licentiam non habebunt. Nam quomodo predicti se incestuose coniuncxerint, episcopi seu presbyteri, in quorum diocisi uel pago actum fuerit, regi uel iudicibus scelus perpetratum adnuntient, ut, cum ipsis denuntiatum fuerit, se ab eorum communione aut cohabitatione sequestrent. Res autem eorum ad proprios parentes usque ad sequestratione perueniant sub ea conditione, ut, antequam segregentur, per nullum ingenium neque per parentes neque per emtionem neque per auctoritatem regiam ad proprias perueniant facultates, nisi prefatum scelus sequestrationis separatione et paenitentia feriatur.
(ed. de Clercq 1963: 293)