XI.14
XIIII. Quemadmodum cenodoxia clericatus gradum suggerat ambiendum.
Nonnumquam uero clericatus gradum et desiderium presbyterii uel diaconatus inmittit. Quem si uel inuitus fuisset indeptus, tanta expleturum sanctitate ac rigore depingit, ut ceteris quoque sacerdotibus praebere potuerit sanctitatis exempla, deinde multos non solum conuersationis forma, uerum etiam doctrina sua sermone que lucraturum. Facit etiam in solitudine uel in cella commorantem diuersorum domos ac monasteria mente atque animo circumire et plurimorum conuersiones sub incitamento imaginariae exhortationis adquirere.
(ed. Guy 2011: 426 and 440)