Canon 10
De familiaritatibus mulierum licet crebrius sit in canonibus replicatum, adtamen necesse est, ut, si secta uirgulta, quae mala pollulauerant, rursus fidei falce succidantur et iam radicitus eruantur. Nullus deinceps clericorum pro occasione necessitatis faciende vestes aut causa ordinandae domus extraneam mulierem in domum suam habere praesumat. Et cum iubeamur uictum aut uestitum artificiolo quaerere et manibus propriis laborare, quid opus est in domum serpentem includere pro ueste, quae multeformis uestem non propterea deponit, ut nudetur, sed ut se gratiorem, dum renouatur, ostendat?
(ed. de Clercq 1963: 179)